ᖁᕕᐊᓇᓪᓚᕆᑦᑐᒥᒃ ᓄᓇᓖᑦ ᐃᓚᒋᔭᐅᑦᑎᐊᓚᐅᖅᑐᑦ

ᔮᓐᓄᐊᓕ 2, 2017 – ᑎᓯᐱᕆ 31, 2016ᒥ, ᐃᖃᓗᒻᒥᐅᑦ ᓴᖅᑭᔮᖅᑎᑦᑎᓚᐅᖅᑐᑦ ᐱᐅᓯᓪᓚᑦᑖᑯᓗᐊᓐᓂᒃ ᓄᓇᖅᑲᑎᒌᑦ ᓱᓗᕕᒍᓯᖏᓐᓂᒃ.

ᐃᖃᓗᓐᓂ ᑲᓇᑕᒥ 150 ᐊᕐᕌᒍᒧᑦ ᓄᑖᕐᒧᑦ ᐃᑳᕐᐸᓪᓕᐊᑎᓪᓗᑕ ᓱᓗᕕᓐᓂᐅᓚᐅᖅᑐᖅ ᐅᖓᑖᓃᑦᑐᓄᑦ 700 ᖁᕕᐊᓱᐊᕕᐅᔭᖅᑐᓚᐅᕐᖓᑦ ᓱᓗᕕᑦᑎᑦᑎᑎᓪᓗᒋᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒥ ᑎᓯᐱᕆ 31ᖑᑎᓪᓗᒍ 11ᒥ ᐅᓪᓛᒃᑯᑦ 4:30ᒧᑦ ᐅᓐᓄᓴᒃᑯᑦ. Hᐊᓐᓇᓚᖏᓐᓃᑦᑐᑦ ᑲᑎᓚᐅᖅᑐᑦ ᑕᑯᕋᓐᓈᕆᐊᖅᑐᖅᑐᑎᒃ ᖁᒻᒧᐊᑎᑦᑎᖃᑦᑕᖅᑐᓂᒃ ᖁᒻᒧᐊᔫᓂᑦ ᑕᐅᓇᓂ ᑐᓚᑦᑕᕐᕕᒻᒥ 8:17ᒥ ᐅᓐᓄᒃᑯᑦ. ᑖᒃᑯᐊ ᐊᑐᖅᑕᐅᓚᐅᖅᑐᑦ ᐊᑭᖃᓚᐅᙱᑦᑐᑦ, ᑮᓇᐅᔭᖃᖅᑎᑦᑎᓯᒪᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᑦ.

ᓄᓇᓖᑦ ᑕᒫᓂ ᑲᔪᓯᑎᑦᑎᑦᑎᐊᓚᐅᖅᑐᑦ. ᐊᒥᓱᑦ ᓇᒻᒥᓂᖅ ᓇᓗᓇᐃᕈᓐᓇᑎᐊᖅᑐᑦ:

  • 700 ᐅᖓᑖᓃᑦᑐᑦ ᓱᓗᕕᑦᑐᓄᑦ ᐅᐸᒍᑎᓚᐅᖅᑐᑦ
  • 5 ᐃᑲᕐᕋᓂᑦ ᐊᑕᐅᑦᑎᒃᑯᑦ ᐊᑐᖅᑕᐅᓚᐅᖅᑐᑦ ᓂᔾᔭᐅᓯᔭᖅᑐᑦ, ᐃᓕᖅᑯᓯᓕᕆᔪᑦ, ᐊᒻᒪᓗ ᓴᓇᕈᓘᔭᖅᑐᑦ
  • 50 ᐅᖓᑖᓃᑦᑐᑦ ᓄᓇᑦᑎᓐᓂ ᑕᑯᕋᓐᓈᑎᑦᑎᔩᑦ, ᓂᔾᔭᐅᓯᔭᖅᑏᑦ, ᐊᒻᒪᓗ ᐃᑲᔪᖅᑏᑦ ᐃᖅᑲᓇᐃᔭᓚᐅᖅᑐᑦ
  • 30 ᐅᖓᑖᓃᑦᑐᑦ ᐃᑲᔪᓚᐅᖅᑐᑦ ᐱᕕᖃᕐᓂᖏᑎᒍᑦ ᐃᑲᔪᕈᓐᓇᕐᓂᖏᑎᒍᓪᓗ
  • 30 ᐅᖓᑖᓃᑦᑐᑦ ᐃᖅᑲᓇᐃᔭᕐᕖᑦ ᐊᒻᒪᓗ ᓄᓇᓕᓐᓂᑦ ᑲᑐᔾᔨᖃᑎᒌᑦ ᓄᓇᑦᑎᓐᓂ ᓴᓇᔭᐅᓯᒪᔪᓂᑦ ᐱᔨᑦᑎᕋᐅᑎᖏᓐᓂᓪᓗ ᐃᑲᔫᑎᖃᓚᐅᖅᑐᑦ
  • 17 ᒥᓂᔅᓯᓂᑦ ᐊᑯᓂᐅᑎᒋᔪᒥᒃ ᖁᒻᒧᐊᑎᑦᑎᖃᑦᑕᓚᐅᖅᑐᑦ, ᐱᒋᐊᓚᐅᖅᑐᑦ ᓯᕿᙳᔭᖅ 20:17ᒨᓪᓗᐊᑎᓪᓗᒍ
  • 4 ᑲᑐᔾᔨᖃᑎᒌᑦ ᓄᓇᑦᑎᓐᓂ ᓯᕗᓕᖅᑏᑦ: ᐊᓕᐊᓇᐃᑦ ᑕᑯᕋᓐᓈᑎᑦᑎᔩᑦ; ᒥᐊᓕ ᐅᐃᓪᒪᓐ ᐊᒻᒪᓗ ᐃᓕᓴᕕ ᐊᓐᓂᕐᒥᐅᖅ−ᑕᐃᕕᑎ; ᔪᐃᓪ ᓚᕚᓖ ᓴᓇᙳᐊᖅᑎ; ᐊᒻᒪᓗ ᐃᒥᖅᑕᕐᕕᒥᓂᓕᐊᕆᐊᕐᒥᐅᑕᐃᑦ ᖁᒻᒧᐊᔫᖅᑎᑦᑎᔩᑦ (ᐃᑲᔪᖅᑎᖃᖅᑐᑎᒃ ᖁᒻᒨᐊᔫᖅᑎᑦᑎᔨᓂᑦ Fireworks FX).

ᑖᓐᓇ ᓯᕗᓪᓕᕐᐹᑦᑎᐊᕐᒥ ᑲᔪᓯᑎᑕᐅᓚᐅᖅᑐᖅ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐃᖃᓗᓐᓂ ᖃᓄᖅᑑᖅᑎᓄᑦ. ᑕᒪᓐᓇ ᓄᓇᓕᓐᓂᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐸᕐᓇᑕᐅᓯᒪᓚᐅᕐᒥᔪᖅ ᐃᑲᔫᑎᖃᓚᐅᖅᑐᖅ ᐅᖓᑖᓃᑦᑐᓂᑦ $85,000 ᓄᓇᑦᑎᓐᓂ ᑮᓇᐅᔭᓕᐅᕋᓱᐊᖅᑎᓄᑦ. ᖁᒻᒧᐊᔫᕈᑎᓪᓚᕆᓐᓂᒃ ᖁᒻᒧᐊᑎᑦᑎᖃᑦᑕᕐᓂᖅ ᐊᑭᖃᓚᐅᖅᑐᖅ $12,500.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᔅᓴᖅ www.canada150iqaluit.com ᖃᐅᔨᒋᐊᕐᓗᓯᓘᓐᓃᑦ ᐅᕗᖓ @canada150iqaluit ᕙᐃᔅᐳᒃᑯᑦ ᐊᒻᒪᓗ @CA150iqaluit ᑐᐃᑐᒃᑯᑦ. ᑕᒪᓐᓇ ᑮᓇᐅᔭᖃᖅᑎᑕᐅᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓂ Government of Canada.