ᐅᑭᐅᒃᑯᑦ ᑕᑯᕋᓐᓈᑎᑦᑎᖃᑦᑕᕐᓂᖅ

ᐊᑭᖃᔾᔮᓛᙱᑦᑐᖅ! ᐱᖓᓱᐊᖅᑎᕐᓗᑎᒃ ᑕᑯᕋᓐᓈᑎᑦᑎᓛᖅᑐᑦ ᐅᓪᓗᓂᑦ ᐱᖓᓱᓂᑦ! ᕖᕝᕗᐊᓕ 3ᒥ-5ᒧᑦ, 2017

schedule_midwinter-net

ᕖᕝᕗᐊᓕ 3ᒥ, 4ᒥ, 5ᒥᓗ 2017, ᐃᖃᓗᓐᓂᑦ ᖃᓄᖅᑑᖅᑏᑦ ᑕᑯᕋᓐᓈᑎᑦᑎᓛᖅᑐᑦ ᐱᖓᓱᐊᖅᑎᕐᓗᑎᒃ ᐅᓪᓗᓂᑦ ᐱᖓᓱᓂᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒥ. ᑕᑯᕋᓐᓈᑎᑦᑎᓛᖅᑐᑦ ᓄᓇᑦᑎᓐᓂ ᓂᔾᔭᐅᓯᔭᖅᑎᐅᔪᓂᑦ, ᑖᒃᑯᓇᓂ ᑕᑯᕋᓐᓈᑎᑦᑎᑎᓪᓗᒋᑦ ᖁᕕᐊᓱᐊᑎᑦᑎᓛᕐᖓᑕ ᐃᖃᓗᒻᒥᐅᓂᑦ ᐊᒻᒪᓗ ᖁᕕᐊᓲᑎᖃᕐᓗᑎᒃ ᐅᑭᐅᖑᓂᖓᓂ ᐃᖃᓗᓐᓂ. ᑕᑯᕋᓐᓈᑎᑦᑎᓂᐅᓚᖅᑐᑦ ᐊᑭᖃᔾᔮᓛᙱᑦᑐᑦ, ᐊᒻᒪᓗ ᑭᒃᑯᑐᐃᓐᓇᓕᒫᑦᑎᐊᑦ ᑐᙵᓱᓛᖅᑐᑦ ᑕᑯᕋᓐᓈᕆᐊᕈᒪᔪᑦ.

  1. ᓯᕗᓪᓕᕐᐹᒥ ᑕᑯᕋᓐᓈᑎᑦᑎᓛᖅᑐᑦ ᑕᓪᓕᒥᕐᒥ ᕖᕝᕗᐊᓕ 3 7:30ᒥ−10:00ᒧᑦ ᐅᓐᓄᒃᑯᑦ. ᑕᑯᕋᓐᓈᑎᑦᑎᓚᖅᑐᑦ ᖃᓄᐃᑦᑐᑐᐃᓐᓇᕐᓂᑦ ᓂᔾᔭᐅᓯᔭᖅᑐᓂᑦ ᓄᓇᑦᑎᓃᙶᕐᓯᒪᔪᓂᑦ ᐅᓪᓗᒥ ᓂᔾᔭᐅᓯᔭᕈᑕᐅᕙᑦᑐᓂᑦ, ᐅᑯᐊ ᐃᓚᒋᔭᐅᓛᖅᑐᑦ ᑕᑯᕋᓐᓈᖅᑕᐅᕙᑦᑐᑦ ᐃᓄᑦᑎᑐᑦ, ᔨᒻᕙᐅᐃᒥᐅᑎᑐᑦ, ᐅᐃᕖᑎᑐᑦ, ᓂᔾᔭᐅᓯᔭᐅᑎᑐᖃᕐᓂᑦ, ᐊᒻᒪᓗ ᓄᓇᓕᕋᓛᕐᒥᐅᑎᑐᑦ ᓂᔾᔭᐅᓯᔭᖅᑏᑦ.
  1. ᑐᖏᓕᐊᓂ ᑕᑯᕋᓐᓈᑎᑦᑎᓛᖅᑐᑦ ᓯᕙᑖᕐᕕᒻᒥ ᕖᕝᕗᐊᓕ 4 7:30ᒥ−10:00ᒧᑦ ᐅᓐᓄᒃᑯᑦ. ᐅᓐᓄᖃᖅᑎᑦᑎᓛᖅᑐᑦ ᐃᓄᐃᑦ ᐃᓕᖅᑯᓯᖏᓐᓂᒃ ᑕᑯᕋᓐᓈᑎᑦᑎᒍᑎᖃᕐᓗᑎᒃ, ᐊᒻᒪᓗ ᓄᓇᑦᑎᓃᙶᕐᓯᒪᔪᑦ ᓂᔾᔭᐅᓯᔭᖅᑏᑦ ᐱᖅᑯᓯᑦᑎᓐᓂᒃ ᐊᒻᒪᓗ ᐃᓄᒃᑎᑑᖅᑐᓂᑦ ᓂᔾᔭᐅᓯᔭᓛᖅᑐᑦ.
  1. ᐱᖓᔪᐊᓂ ᑕᑯᕋᓐᓈᑎᑦᑎᓛᖅᑐᑦ ᓈᑦᑏᖑᔭᕐᕕᒻᒥ ᕖᕝᕗᐊᓕ 5 2:00ᒥ-4:00ᒧᑦ ᐅᓐᓄᓴᒃᑯᑦ. ᑕᑯᕋᓐᓈᑎᑦᑎᓛᖅᑐᑦ ᓱᕈᓯᕐᓄᑦ, ᐃᓅᓱᑦᑐᓄᑦ, ᐃᓚᒌᓄᑦ ᑐᕌᖓᓗᐊᖅᑐᓂᑦ ᓂᔾᔭᐅᑎᓂᑦ. ᑕᕝᕙᓂ ᐅᓐᓄᓴᒃᑯᑦ ᑕᑯᕋᓐᓈᑎᑦᑎᓛᖅᑐᑦ ᐃᙱᕐᓗᑎᒃ ᓄᓇᑦᑎᓃᙶᕐᓯᒪᔪᑦ ᓱᕈᓰᑦ ᐃᓅᓱᑦᑐᐃᓪᓗ, ᐊᒻᒪᓗ ᐃᓐᓇᐃᑦ ᓂᔾᔭᐅᓯᔭᓛᖅᑐᑦ ᐃᓚᒌᓄᑦ ᑐᓴᕋᓐᓈᕈᑎᓂᑦ.

ᑖᒃᑯᐊ ᑲᒪᒋᔭᐅᕋᑖᕐᓯᒪᓕᕐᒥᔪᓪᓕ ᐃᖃᓗᓐᓂ ᖃᓄᖅᑑᖅᑎᓂᑦ. ᑕᐃᒫᔅᓴᐃᓐᓇᖅ ᐊᕐᕌᒍᒧᑦ ᓄᑖᕐᒧᑦ ᐃᑳᕐᐸᓪᓕᐊᑎᓪᓗᑕ ᓱᓗᕕᑦᑎᑦᑎᔪᒻᒪᑕ, ᑕᕝᕙᓂ ᑲᒪᒋᔭᖓᓐᓂ ᑐᕌᒐᓖᑦ ᓄᓇᖅᑲᑎᒌᓂᑦ ᑲᓲᒪᑎᑦᑎᒋᐊᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᓕᕆᔪᓐᓇᕐᓯᑎᑦᑎᒋᐊᒃᑲᓐᓂᕈᒪᓪᓗᑎᒃ ᐃᖃᓗᓐᓂ. ᐊᐅᓚᔾᔭᐃᒋᐊᕈᒪᓪᓗᑎᓪᓗ ᓄᓇᑦᑎᓐᓂ ᒪᑭᒪᓇᓱᐊᕈᑎᔅᓴᓂᑦ.

ᐃᖃᓗᓐᓂ ᖃᓄᖅᑑᖅᑏᑦ ᓴᖑᑎᑦᑎᕙᓪᓕᐊᒍᒻᒪᑕ ᐱᓇᓱᐊᕋᔅᓴᐅᕙᑦᑐᓂᑦ ᐊᑐᖅᑕᐅᓚᑦᑖᖃᑦᑕᓕᖁᓪᓗᒋᑦ ᓄᓇᑦᑎᓐᓂ ᓯᕗᓕᖅᑎᐅᔪᓄᑦ ᑲᔪᓯᑎᑦᑎᖃᑦᑕᕐᓗᑎᒃ ᓄᓇᑦᑎᓐᓂ ᐱᓕᕆᐊᔅᓴᓂᑦ ᓄᓇᖅᑲᑎᕗᑦ ᐃᑲᔫᓯᐊᖃᑦᑕᓂᐊᕐᖓᑕ. ᑖᓐᓇ ᐊᑐᖅᑕᐅᓛᖅᑐᖅ ᑲᔪᓯᒍᓐᓇᓛᖅᑐᖅ ᖁᔭᓐᓇᒦᖅᑐᑎᒍ ᐱᔨᑦᑎᕋᐅᑎᓖᑦ ᐊᓕᐊᓇᐃᒃᑯᑦ ᑕᑯᕋᓐᓈᑎᑦᑎᕙᑦᑐᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᑦ.

“ᑖᒃᑯᐊ ᐅᑭᐅᖑᓂᖓᓂ ᑕᑯᕋᓐᓈᑎᑦᑎᓂᐅᔪᑦ ᑲᑎᒍᑎᒋᖃᑦᑕᕐᓂᐊᕋᑦᑎᒍ ᑐᙵᓱᐊᓗᑕ ᑲᔾᔭᐅᓴᕐᓗᑕᓗ ᓂᔾᔭᐅᓯᔭᖅᑐᓂᑦ ᐊᒻᒪᓗ ᓄᓇᖅᑲᑎᒌᓪᓗᑕ. ᐃᖃᓗᒻᒥᐅᓕᒫᑦ ᕖᕝᕗᐊᓕ 3ᒥ, 4ᒥ 5ᒥᓗ ᑐᙵᓱᓛᖅᑯᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒧᑦ ᑕᑯᕋᓐᓈᕆᐊᖅᑐᕈᓐᓇᓛᖅᑐᑦ ᓂᔾᔭᐅᓯᔭᓛᖅᑐᕐᐸᑯᓗᓐᓂᑦ.” − ᕌᕕᓐ ᑳᒻᕗᓪ, ᐃᖃᓗᓐᓂ ᖃᓄᖅᑑᖅᑎᓂᑦ.

ᓄᑖᑦ ᑐᑭᓯᒋᐊᕈᑎᔅᓴᐃᑦ ᐊᒻᒪᓗ ᑐᑭᓯᐅᒪᔾᔪᑎᔅᓴᐃᑦ ᓴᖅᑭᖅᑕᐅᖃᑦᑕᓂᐊᖅᑐᑦ ᖃᕋᓴᐅᔭᒃᑯᑦ www.canada150iqaluit.com ᐊᒻᒪᓗ ᕙᐃᔅᐳᒃᑯᑦ, ᑐᐃᑐᒃᑯᑦ, ᐃᓐᓯᑕᒍᕌᒻᑯᓪᓗ ᖃᕋᓴᐅᔭᒃᑯᑦ ᑐᓴᐅᒪᖃᑦᑕᐅᑎᒍᑕᐅᕙᑦᑐᑎᒍᑦ.

ᖁᔭᓐᓇᒦᒃ  CRFT 107.3 FM ᐃᖃᓗᐃᑦ ᐅᐃᕖᑦ ᓈᓚᐅᑎᖃᕐᕕᖓᑦ  ᐃᑲᔪᓚᐅᕐᖓᑕ ᑐᓴᕐᓴᐅᑎᑦᑎᖃᑦᑕᕐᑐᑎᒃ ᐅᑭᐅᒃᑯᑦ ᑕᑯᕋᓐᓈᑎᑦᑎᓂᐅᓛᕐᑐᓂᑦ

logo_cfrt