ᐃᖃᓗᓐᓂ ᖃᓄᖅᑑᖅᑏᑦ ᒪᕐᕈᐊᑎᕐᓗᑎᒃ ᓴᓇᕐᕈᑎᓕᐅᕐᓂᕐᒥᒃ ᐃᓕᓐᓂᐊᑎᑦᑎᓛᖅᑐᑦ ᐄᐳᓗᒥ. ᐃᓕᓐᓂᐊᑎᑦᑎᖃᑦᑕᓂᐊᖅᑐᑦ ᐊᑭᖃᙱᑦᑐᒥᒃ ᐃᓐᓇᕐᓄᑦ ᐅᑭᐅᓕᓐᓄᑦ 19ᓂᑦ ᐅᖓᑖᓂᓪᓗ, ᐱᖃᑕᐅᓂᐊᖅᑐᑦ ᐊᒧᔭᐅᖃᑦᑕᓂᐊᖅᑐᑦ ᐊᑎᖏᑦ.
ᒫᑎᐅ ᐊᓚᐃᙵ ᐃᓕᓐᓂᐊᑎᑦᑎᖃᑦᑕᓛᖅᑐᖅ ᐅᓗᓕᐅᕐᓂᕐᒥᒃ ᓯᕙᑖᕐᑯᒻᒥ ᐄᐳᓗ 22, 2017ᒥ 10ᒥ ᐅᓪᓛᒃᑯᑦ-6ᒧᑦ ᐅᓐᓄᒃᑯᑦ. ᖁᓕᑦ ᒪᕐᕉᓪᓗ (12) ᓇᒻᒥᓂᖅ ᐅᓗᓕᐅᓛᖅᑐᑦ ᓴᕕᕋᔭᓐᓂᒃ.
ᓘᓯ ᐱᔭᒥᓂ ᖁᓪᓕᓕᐅᕐᓂᕐᒥᒃ ᐃᓕᓐᓂᐊᑎᑦᑎᖃᑦᑕᓛᖅᑐᖅ ᐅᓐᓄᒃᑯᑦ ᓈᒡᒐᔾᔭᐅᒥ ᐄᐳᓗ 24ᒥ ᑕᓪᓕᒥᕐᒧᑦ ᐄᐳᓗ 28ᒧᑦ, 2017 6:00ᒥ−9:00ᒧᑦ ᐅᓐᓄᒃᑯᑦ. ᖁᓕᑦ ᑕᓪᓕᒪᓪᓗ (15) ᓇᒻᒥᓂᖅ ᖁᓪᓕᓕᐅᓛᖅᑐᑦ.
ᓴᓇᖃᑕᐅᒍᒪᔪᑦ ᐊᑎᓕᐅᖅᑕᐅᑎᒋᐊᓕᑦ ᑎᓴᒻᒥᕈᓚᐅᙱᓐᓂᖓᓂ ᐄᐳᓗ 20 5ᒧᑦ ᐅᓐᓄᓴᒃᑯᑦ ᑭᓪᓕᖃᕋᔭᖅᑐᖅ. ᓇᓗᓇᐃᕐᓯᑦᑎᐊᕋᔭᖅᑯᓯ ᐅᓗᓕᐅᕐᓂᕐᒧᑦ ᖁᓪᓕᓕᐅᕐᓂᒧᓪᓘᓐᓃᑦ ᐃᓕᓐᓂᐊᕈᒪᒐᔭᕐᒪᖔᔅᓯ, ᐊᒻᒪᓗ ᐅᖄᓚᐅᑎᓯ ᓇᓗᓇᐃᑦᑎᐊᖃᔭᖅᑲᓯᐅᒃ. ᐊᑎᓕᐅᕐᓯᒪᔪᓂᑦ ᐊᒧᔭᐅᒐᔭᖅᑐᑦ ᑕᐃᒃᑯᐊ ᐃᓕᓐᓂᐊᖃᑕᐅᙳᐊᑕᕐᓯᓐᓇᕈᓐᓇᓛᖅᑐᑦ ᐊᒻᒪᓗ ᓇᓗᓇᐃᖅᑕᐅᓛᖅᑐᑎᒃ ᖃᕋᓴᐅᔭᒃᑯᑦ ᕙᐃᔅᐳᒃᑯᑦ ᐃᑭᐊᖅᑭᔾᔪᑎᑎᒍᑦ ᐄᐳᓗ 20ᐅᓕᖅᑲᑦ 6ᒨᖅᑲᑦ ᐅᓐᓄᒃᑯᑦ.
ᐱᖓᓱᐃᓕᖅᑲᖓᓪᓗᑎᒃ ᐊᑎᓕᐅᕈᑕᐅᔪᓐᓇᖅᑐᑦ; ᑎᑎᕋᕐᓗᓯ ᐅᖄᓚᐅᑎᕋᓚᒃᑯᑦ ᐅᕗᖓ 223-0290, ᕙᐃᔅᐳᒃᑯᑦ ᑎᑎᕋᕐᓗᓯ ᐃᑭᐊᖅᑭᕕᖓᓐᓂ (Canada 150 Iqaluit), ᐅᕝᕙᓘᓐᓃᑦ ᐃᕐᖐᓇᖅᑕᐅᑎᖓᓐᓄᑦ ᑎᑎᕋᕐᓗᓯ ᐅᕗᖓ iqaluitactionlab@gmail.com.
ᐃᓕᓐᓂᐊᑎᑦᑎᒍᓐᓇᓂᐊᖅᑐᑦ ᐃᓚᒋᔭᐅᓪᓗᓂ ᑕᒪᓐᓇ ᑲᓇᑕᒥ150 ᖁᕕᐊᓲᑕᐅᓂᖓᓄᑦ, ᖁᔭᓐᓇᒦᖅᑲᕗᑦ ᑮᓇᐅᔭᖃᖅᑎᑦᑎᒍᓐᓇᕐᖓᑕ ᑲᓇᑕᐅᑉ ᒐᕙᒪᒃᑯᖏᑦ.
ᑐᑭᓯᖏᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᔅᓴᖅ ᐅᖄᓚᓗᓯ 222-0442, ᐃᕐᖐᓈᖅᑕᐅᑖ iqaluitactionlab@gmail.com, ᖃᐅᔨᒋᐊᕐᕕᒋᓗᒍ www.canada150iqaluit.com ᑕᑯᓂᐊᕐᓗᒍᓘᓐᓃᑦ ᐃᑭᐊᖅᑭᔾᔪᑎᑎᒍᑦ ᕙᐃᔅᐳᒃ, ᑐᐃᑐ, ᐊᒻᒪ ᐃᓐᓯᑕᒍᕋᒻ.
