ᐊᓐᓇᓯᒪᓂᖅ ᓄᓇᒥ ᓯᑯᒥᓗ

ᐊᓐᓇᓯᒪᓂᖅ ᓄᓇᒥ ᓯᑯᒥᓗ: ᐃᓕᓐᓂᐊᕐᓂᖅ ᐆᑦᑑᑉᕙ 21, 2017

ᐃᖃᓗᓐᓂ ᐱᔨᑦᓯᖅᑏᑦ ᑲᒪᒋᔭᖃᕐᓂᐊᕐᒪᑕ ᐃᓕᓐᓂᐊᓂᕐᒥᒃ ᓯᕙᑖᕐᕕᒃ, ᐆᑦᑑᑉᕙ 21, 2017−ᒥ ᖃᐅᔨᓴᐅᑦ 10-ᒥᒃ 4-ᒧᑦ ᐊᕐᓇᓯᒪᓂᕐᒥᒃ ᓄᓇᒥ ᓯᑯᒥᓗ. ᐃᓕᓐᓂᐊᑎᑦᓯᔾᔪᑕᐅᔪᒥᒃ ᓯᕗᓕᕐᓂᐊᖅᑐᖅ ᓲᓗᒨᓂ ᐊᕙ, ᓴᐃᒪᓐ ᓇᑖᖅ, ᐊᒻᒪᓗ ᔩᑕᓗ ᑲᒃᑭ, ᐃᓕᓐᓂᐊᑎᑦᓯᒍᑕᐅᔪᖅ ᐊᑭᖃᔾᔮᖏᑦᑐᖅ ᑭᒃᑯᑐᐃᓐᓇᕐᓄᑦ ᐋᖕᓕᑲᒃᑯᑦ ᑲᑎᒪᕕᕈᓗᐊᓂ ᐃᖃᓗᓐᓂ. ᐃᓕᓐᓂᐊᑎᑦᓯᒍᑕᐅᓂᐊᖅᑐᖅ ᑐᓴᐅᒪᑎᑦᓯᓂᖅ ᐊᓐᓇᓯᒪᓂᕐᒥᒃ ᓄᓇᒥ ᓯᑯᒥᓗ, ᐊᒻᒪᓗ ᐃᓕᓐᓂᐊᕈᑕᐅᓂᐊᕐᒥᔪᖅ ᑐᑭᓯᓇᓱᐊᕐᓂᖅ ᓄᕗᔭᐃᑦ ᖃᓄᐃᓕᖓᓂᖏᓐᓂᒃ, ᐊᐳᑏᑦ ᖃᓄᐃᑦᑑᓂᖏᓐᓂᒃ, ᓄᓇᓂ ᓇᓗᓇᐃᒃᑯᑕᕐᓂᒃ, ᐃᖏᕐᕋᓂᖅ ᐊᑐᕐᓗᒋᑦ ᐅᓪᓗᕆᐊᑦ ᐊᐳᓪᓗ, ᑭᓱᓂᒃ ᓇᑦᓴᖃᑦᑕᕆᐊᖃᕐᒪᖔᕐᐱᑦ ᐊᓐᓇᓯᒪᔾᔪᑎᒃᓴᓂᒃ ᓇᑦᓴᖃᑦᑕᑕᕐᓂ, ᐃᑭᑎᑦᓯᒋᐅᕐᓴᕐᓂᖅ ᐊᑐᕐᓗᓂ ᐊᒻᒫᕐᒥᒃ, ᐊᒻᒪᓗ ᖃᐅᔨᒃᑲᐃᔾᔪᑎᒃᓴᑦ ᔭᒐᓯᒪᓂᕐᓂᒃ. “ᐃᓱᒪᓚᐅᕐᓯᒪᕖᑦ ᐃᓕᓐᓂᐊᕈᒪᓂᕐᒥᒃ ᐊᓐᓇᓯᒪᒋᐅᕐᓴᓂᕐᒥᒃ ᓄᓇᒥ ᓯᑯᒥᓗ? ᐱᕕᒃᓴᖃᓕᕐᐳᑎᑦ: ᖃᐅᔨᒪᓇᓱᒋᖃᑦᑕᕋᓗᐊᖅᑐᒍ, ᑭᓯᐊᓂ ᓱᓕ ᐃᓕᓐᓂᐊᕋᑦᓴᖅᑕᖃᐅᕐᒪᑦ,” ᐅᖃᖅᑐᖅ ᓲᓗᒨᓂ ᐊᕙ. ᐅᖃᖃᓯᔮᖃᑎᒌᓐᓂᒃᑯᑦ ᐃᓕᓐᓂᐊᕐᓂᐅᓂᐊᖅᑐᖅ ᐃᓄᒃᑎᑐᑦ ᖃᓪᓗᓈᑎᑐᓪᓗ. ᐃᓕᓐᓂᐊᕈᑎᒃᓴᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐊᑎᓕᐅᖅᑕᐅᖃᑕᐅᓯᒪᔭᕆᐊᖃᓐᖏᑦᑐᖅ.

ᑖᒃᑯᐊ ᐃᓕᓐᓂᐊᕐᓃᑦ ᑖᒃᑯᓇᓐᖔᖃᑕᐅᔪᑦ ᑲᓇᑕ150 ᓇᓪᓕᐅᓂᕐᓯᐅᓂᕐᓂᒃ, ᖁᔭᒋᕙᕗᑦ ᑮᓇᐅᔭᓖᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᑦ. ᑐᑭᓯᒋᐊᒃᑲᓂᕐᕕᒃᓴᖅ, ᐅᖄᓚᓗᑎᑦ 222-0442, ᐃᕐᖐᓐᓈᕈᑖ [email protected], ᑕᑯᒋᐊᕐᓗᒍ www.canada150iqaluit.com ᐅᑉᕙᓘᓐᓃᑦ ᑕᑯᒋᐊᕐᓗᒋᑦ ᕙᐃᔅᐳᒃᕗᑦ, ᑐᐃᑕ, ᐊᒻᒪᓗ ᐃᓐᔅᑕᒍᕌᒻ ᑲᓲᒪᒍᑏᑦ ᖃᕆᓴᐅᔭᒃᑯᑦ.